एमाले बागमती प्रदेश संसदीय दलको नेतामा ओलीनिकट थपलिया चयन

१४ पुष, काठमाडौं । नेकपा (एमाले) बागमती प्रदेशसभामा संसदीय दलको नेतामा जगन्नाथ थपलिया चयन भएका छन् । बिहीबार बसेको एमाले बागमती प्रदेशको संसदीय दलको बैठकले थपलियालाई सर्वसम्मत रुपमा दलको नेतामा चयन गर्ने निर्णय गरेको हो ।

प्रदेशसभाको दोस्रो ठूलो दल एमालेका थपलिया चितवन क्षेत्र नम्बर–१ (क)बाट निर्वाचित सांसद हुन् । थपलिया पार्टी अध्यक्ष केपी शर्मा ओली निकटका नेता हुन् । उनिी एमालेको केन्द्रीय सदस्य समेत हुन् ।

बागमती प्रदेशसभामा जम्मा ११० जना प्रदृेश सांसद छन् । जसमध्ये एमालेबाट प्रत्यक्ष तर्फ १३ र समानुपातिक तर्फ १४ जना गरी २७ जना सांसद छन् ।