पार्टी घोषणा गर्न पत्रकार सम्मेलन गर्दै प्रभु साह, घाेषणापछि सरकारमा जाने तयारी

१४ पुष, काठमाडौं । रौतहट क्षेत्र नम्बर ३ बाट स्वतन्त्र उम्मेदवार बनेर प्रतिनिधिसभा सदस्य (सांसद) जितेका प्रभु साहले पार्टी घोषणा गर्न बिहीबार पत्रकार सम्मेलन गर्दैछन् ।

उनले कोटेश्वरस्थित एक पार्टी प्यालेसमा पार्टी घोषणा गर्न दिउँसो ३ बजे पत्रकार सम्मेलन गर्ने कार्यक्रम तय भएको एक नेताले बताए । उनले पार्टीको नाम ‘आम जनता पार्टी’ जुराइसकेका छन् ।

सो पार्टीमा सोही जिल्लाको क्षेत्र नं. २ बाट प्रतिनिधिसभा सदस्मा विजयी किरणकुमार साह र सर्लाही क्षेत्र नं. ४ बाट बाट विजयी स्वतन्त्र सांसद अमरेशकुमार सिंह पनि आवद्ध हुने बताइएको छ ।

उनीहरु तीनै जना स्वतन्त्र सांसदले प्रचण्ड नेतृत्वको सरकारलाई समर्थन जनाइसकेका छन् । तीनै जना एकै पार्टीमा आवद्ध भएर सरकारमा मन्त्री लिने योजनासाथ पार्टी घोषणामा लागेका हुन् ।

प्रभु एमालेबाट, सिंह र किरणकुमार कांग्रेसबाट विद्रोह गरेर गत मंसिरको ४ को प्रतिनिधिसभामा उम्मेदवार दिएर निर्वाचित भएका हुन् ।