सन्दीप लामिछानेको मुद्दाको सुनुवाइ फेरि सर्यो

१४ पुष, ललितपुर । उच्च अदालत पाटन ललितपुरमा दायर सन्दीप लामिछानेको रिटमाथि आज पनि सुनुवाइ हुन सकेन । मुद्दा पूर्पक्षका लागि थुनामा पठाउने जिल्ला अदालत काठमाडौको आदेश बदरको माग गर्दै अभियुक्त लामिछानेले दिएको रिट निवेदनमा बिहीबार सुनुवाइका लागि न्यायाधीशद्वय सुभाष पौडेल र किरण पोखरेलको संयुक्त इजलासमा पेशी चढेपनि सुनुवाइ हुन नसकेको हो ।

सुनुवाई नभएपछि ‘हेर्न नभ्याइने’मा राखिएको अदालत प्रशासनले जनाएको छ । गएकाे मंसिर २९ मा दायर रिटमा सुनवाइका लागि यही पुष ७ मा गते पनि पेशी ताेकिएकाे तथयाे ।

नाबालिका बलात्कारको आरोपमा लामिछानेलाई जिल्ला अदालत, काठमाडौंले १८ कात्तिकमा पूर्पक्षका लागि थुनामा पठाएको थियो ।

लामिछानेविरुद्ध २१ भदैमा १७ वर्षीया किशोरीले काठमाडौंको गौशाला प्हरी वृत्तमा किटानी जाहेरी दिएकी थिइन् । जाहेरीमा लामिछानेले गएको भदौ ५ गते राति काठमाडौंको पिंगलास्थानस्थित एक होटलमा लगेर रातभर बलात्कार गरेको आरोप लगाइएको छ । जाहेरी परेपछि लामिछाने असोज २० मा त्रिभुवन अन्तर्राष्ट्रिय विभानस्थलबाट पक्राउ गरिएको थियो ।