मधेश प्रदेशका स्वतन्त्र सांसद महतो माओवादी केन्द्रमा प्रवेश

१४ पुष, काठमाडौं । मधेश प्रदेशका स्वतन्त्र सांसद जवाहर महतो नेकपा (माओवादी केन्द्र)मा प्रवेश गरेका छन् । प्रधानमन्त्रीसमेत रहेका माओवादी केन्द्रका अध्यक्ष पुष्पकमल दाहाल ‘प्रचण्ड’लाई भेटेर महतो माओवादी प्रवेश गरेका हुन् ।

महतो गएको मंसिर ४ मा सम्पन्न प्रदेशसभा निर्वाचनमा सर्लाही ३ (१) बाट एमालेका उम्मेदवार गणेश प्रसाईंलाई हराएर विजयी भएका थिए । यो क्षेत्रमा तत्कालीन गठबन्धनबाट नेकपा (एकीकृत समाजवादी)को भागमा उम्मेदवार परेपछि उनी माओवादी केन्द्र त्यागेर स्वतन्त्र उम्मेदवार दिएका थिए । एकीकृत समाजवादीका उम्मेदवार डिल्लीप्रसाद उप्रेती यहाँ तेस्रो भएका थिए ।

मधेश प्रदेशमा रहेका ६ जना स्वतन्त्र सांसदमध्ये अन्य २ जना पनि माओवादी प्रवेशको तयारीमा छन् । महतोको प्रवेशसँगै यो प्रदेशमा माओवादी केन्द्रका ९ सांसद पुगेका छन् ।