निर्मला कुर्मीकाे न्यायका लागि फेरि सुरु भयो आन्दोलन

१४ पुष, काठमाडौं । बाँकेकी निर्मला कुर्मी र नन्कुन्नी धोबीको ‘हत्या’मा संलग्नलाई कारबाहीको माग गर्दै महिला अधिकारकर्मी रुबि खानसहितका आन्दोलनकरीहरूले माइतीघरमा रिले अनशन थालेका छन् ।

आन्दोलनका लागि उनीहरू बाँकेबाट आज बिहान मात्र काठमाडौं आइपुगेका हुन् । यसअघि पनि उनीले लामो समयसम्म काठमाडौंमा आन्दोलन गरेका थिए ।

सरकारले दोषी पत्ता लगाएर कारवाहीको दायरामा ल्याउन भनी आश्वासन दिए आन्दोलन स्थगित गरे । तर आश्वासन झुठो सावित भएको भन्दै पुनः आन्दोलनमा होमिएका हुन् ।

कठ्यांग्रिदो चिसोमा उनीहरुले मुखमा न्याय चाहियो लेखिएको कालो पट्टि बाँधेर र प्लेकार्ड प्रदर्शन गरेर शान्तिपूर्ण धर्ना दिएका छन् । न्याय मपाएसम्म आन्दोलन जारी राख्ने उनीहरुको भनाइ छ ।