बुस्टर डोजका लागि खोप अभाव

१५ पुष, काठमाडौं । मुलुकभर बुस्टर डोजका दागि कोरोना अभाव देखिएको छ । दुई हप्ता अगाडिसम्म बुस्टज लगाउनेको संख्यामा कमी आएको र खोप खेर जाने अवस्था आएको बताउने सरकारले अहिले बुस्टर डोज पुर्याउन खोप अभाव भएको जनाएको छ ।

छिमेकी मुलुकहरुमा कोरोना भाइरसको ओमिक्रोन भेरिएन्टको सब–भेरियन्ट बीएफ-७ फैलिएसँगै बुस्टर डोज लगाउन आग्रह गरेको छ । स्वास्थ्य तथा जनसङ्ख्या मन्त्रालयले बुस्टर डोज लगाउन आग्रह गरे पनि पर्याप्त मात्रामा सरकारसँग नभएको जनाइएको छ ।

सरकारकै आग्रहमा बुस्टर डोजका लागि स्वास्थ्य संस्थाहरुले खोप माग गरे पनि विभागले उपलब्ध गराउन नसकेपछि अभाव रहेको विषय खुलासा भएको हो । १८ वर्षमाथिका खोप लगाउने समूहलाई दिइने बुस्टर डोज टेकुस्थित केन्द्रीय खोप भण्डारण केन्द्र रित्तिने अवस्थामा पुगेको छ ।

त्रिवि शिक्षण अस्पताल महाराजगञ्जमा कोरोनाविरुद्धको खोप सकिएकाले एक सातादेखि खोप दिने अभियान रोकिएको छ । बुस्टर डोज कोभिशिल्ड, फाइजर, मोडर्ना खोप लगाउन अस्पताल पुग्नेहरू रित्तै फर्किरहेका छन् ।

खोपको केन्द्रीय भण्डारण केन्द्र टेकुमा ४० लाख मात्रा भेरोसेल खोप बाँकी छ । सो खोप बुस्टर डोजका रुपमा प्रयोग गर्न नसकिने स्वास्थ्य सेवा विभाग व्यवस्थापन महाशाखाका आपूर्ति व्यवस्थापन शाखाले जनाएको छ ।

कोभ्याक्स सुविधाअन्तर्गत सुनिश्चत गरी केही समयका लागि रोकिएको ६० लाख मात्रा खोपमध्ये १५ लाख मात्रा ल्याउन लागिएको छ ।
स्वास्थ्य तथा जनसङ्ख्या मन्त्रालयका अनुसार हालसम्म लक्षित समूहका ९५.७ प्रतिशतले कोरोनाविरुद्ध पूर्ण मात्रा खोप लगाइसकेका छन् । बुस्टर डोज हालसम्म ७९ लाख ७२ हजार ७९१ जनाले मात्रै लगाएका छन् । पूर्ण मात्रा खोप र बुस्टर डोज लगाएको ६ महिना कटिसकेकाले बुस्टर डोज लगाउनुपर्ने हुन्छ । यो डोज लगाएपछि डोजले पूर्णरुपमा काम गर्न १० देखि १५ दिनसम्म लाग्ने स्वास्थ्य विज्ञहरु बताउँछन् ।