मधेश प्रदेशमा माओवादी केन्द्रका २ सांसदलाई शपथग्रहणमा राेक

१५ पुष, जनकपुरधाम । नेकपा (माओवादी केन्द्र)को मधेश प्रदेशका २ जना प्रदेश सांसदलाई शपथ ग्रहणमा रोक लागेको छ । महोत्तरी रजी हैदर र सप्तरीका मालाकुमारी कर्णलाई सर्वोच्च अदालतले सांसदको काम कारबाहीमा रोक लगाएको प्रदेश संसद् सचिवालयले जनाएको छ ।

माओवादी केन्द्रले पठाएको बन्दसूचीअनुसार निर्वाचन आयोगले निर्वाचित नगरेको पाइएपछि शपथ ग्रहणमा सहभागी नगराउन सर्वाेच्चले पत्र पठाएको छ । हैदर र कर्णविरुद्ध बन्दसूचीमा रहेका उम्मेदवारले सर्वोच्चमा मुद्दा दायर गरेका थिए । मुद्दामाथि सुनुवाइ गर्दै सर्वोच्चले तत्काल दुर्व जनालाई शपथ नगराउन भनेको सचिवालयले जनाएको छ ।

मधेश प्रदेशमा माओवादी केन्द्रबाट दुई जनासहित धनुषाबाट सुनिता यादव र शारदा दास (पहाडी) निर्वाचित भएका थिए । कर्ण सप्तरी र हैदर महोत्तरीबाट निर्वाचित थिए ।