तमु ल्होसारमा दिने आर्थिक सहयोग दोब्बर बनाउने प्रधानमन्त्रीको घोषणा

१५ पुष, काठमाडौं । प्रधानमन्त्री पुष्पकमल दाहाल ‘प्रचण्ड’ ले तमु ल्होसारका अवसरमा सरकारले दिँदै आएको आर्थिक सहयोग यो वर्ष दोब्बर बढाउने घोषणा गरेका ।

शुक्रबार काठमाडौंको टुँडिखेलमा आयोजित तमु ल्होसार कार्यक्रमलाई संक्षिप्तमा सम्बोधन गर्दै प्रधानमन्त्री प्रचण्डले सहयोग रकम बढाएर दिने घोषणा गरेका हुन् ।

यसअघि आफ्नै पालामा तमू ल्होसारमा सहयोग गर्न सुरुवात गरेको स्मरण गराउँदै प्म प्रचण्डले त्यसपछि बनेका सरकारले रोकेकामा अब दोब्बर दिने बताए । छोटो मन्तव्य राखेर कुर्सीमा बसिसकेका उनले दोर्याएर माइकमा गएर सो घोषणा गरे ।

मतव्य सकेपछि उनले दुई वटा कुरा भन्न छुटेको भन्दै आर्थिक सहयोग बढाउने र समारोहमा भरपर्दो सुरक्षा व्यवस्था मिलाउन सुरक्षाकर्मीलाई निर्देशन दिए ।

सरकारले तमु ल्हाेसारकाे दिनमा आज सार्वजनिक बिदा समेत दिएकाे छ । आजदेखि गुरूङ समूदायकाे नयाँ वर्ष सुरू भएकाे छ । याे वर्षलाइ ‘हि ल्हाे’ अर्थात बिरालाे वर्ष मानिन्छ ।