बाग्मती प्रदेशसभाको पहिलो बैठक भोलि

१७ पुष, हेटौंडा । बाग्मती प्रदेशसभाको पहिलो बैठक भोलि सोमबार बस्दैछ । प्रदेश प्रमुख यादवचन्द्र शर्माको आह्वानमा भोलि हेटौंडामा दिउँसो १ बजे बस्ने भएको छ ।

यही पुष १४ गते सभाका ज्येष्ठ सदस्य रामप्रसाद ढुंगाले १०९ सदस्यलाई शपथ खुवाएका थिए । उनले भने प्रदेश प्रमुख शर्माबाट १३ गते पद तथा गोपनियताको शपथ लिएका थिए ।

बाग्मती प्रदेशसभा सदस्यहरुले लिए शपथ लिएसँगै सोमबारका लागि बैठक बोलाइएको हो । यो प्रदेशमा ११० जना प्रदेशसभा सदस्य छन् । सभामा नेकपा (एमाले) पहिलो दल रहेको छ ।