नाबालिग बलात्कारका आरोपीद्वारा प्रहरीसमक्ष आत्मसमर्पण

१८ पुष, बारा । नाबालिगलाई जबर्जस्ती करिणी गरेको आरोपमा यहाँका एक वडाध्यक्षलाई प्रहरीले पक्राउ गरेको छ ।प्रहरीका अनुसार निजगढ नगरपालिका वडा नम्बर २ का अध्यक्ष राजु श्रेष्ठ (राजन)लाई जबरजस्ती करणी (बलात्कार)को आरोपमा पक्राउ गरिएको हो ।

लामो समयदेखि फरार रहेका अभियुक्त राजनले आइतबार राति आत्मसमपण गर्न आइपुगेका बेला पक्राउ गरी हिरासतमा राखिएको छ । राजनमाथि सोही वडाकी एक १५ वर्षीया नाबालिगलाई आफ्नो घरमा बोलाई बलात्कार गरेको आरोप लगाइएको छ ।

उनले नाबालिगलाई बलात्कार गरेको जोहरी गत असोज २५ गते परेको थियो । उनले नाबालिगलाई घरमा बोलाएर बलात्कार गरेको व्यहोरा जाहेरीमा परेको र सोही आधारमा पक्राउ गरिएको प्रहरीले जनाएको छ ।

उनीमाथि आवश्यक अनुसन्धान भइरहेको प्रहरीले जनाएको छ । अभियुक्त श्रेष्ठ गत वैशाखमा स्थानीय निर्वाचनमा नेपाली कांग्रेसबाट वडाध्यक्षमा विजयी भएका थिए ।