बारामा पेस्तोल र गोलीसहित भारतीय नागरिक पक्राउ

१८ पुष, काठमाडौं । बारामा गोली लोड गरिएको पेस्तोलसहित एक जना भारतीय नागरिकलाई पक्राउ परेका छन् ।

आइतबार साँझ बाराको पचरौता नगरपालिका–४ स्थित बीओपी बेल्दारीबाट खटिएको सशस्त्र प्रहरी बलको पैदल गस्ती टोलीले गुलरियास्थित नाकाबाट आउँदै गरेका बेला चेकजाँच गर्दा गोली लोड गरिएको पेस्तोल र गोलीसहित पक्राउ गरेकोजनाइएको छ । पक्राउ पर्नेमा भारतको पूर्वीचम्पारण जिल्लाको मोतिहारी–१६ बस्ने ४० वर्षीय चन्दन कुमार रहेको खुलेको छ ।

अभियुक्त चन्दनकुमारको साथबाट मोडल नम्बर २०२२ आरएफआई पेस्तोलमा तीन राउण्ड गोली लोड भएको अवस्थामा र चार राउण्ड केएफ ६.५ होस्टाइल राखिएको गरी एक थान पेस्तोल, उक्त पेस्तोलको म्यागेजिन र उक्त पेस्तोलमा लाग्ने ७ राउण्ड गोली बरामद गरिएको छ ।

उनलाई आवश्यक कारबाहीका लागि इलाका प्रहरी कार्यालय सिम्रौनगढलाई बुझाइएको छ।