‘राजबन्दी’ रिहाइ नगरिए नागरिक उन्मुक्तिले माघीपछि प्रदेशसभा अवरुद्ध गर्ने

१८ पुष, धनगढी । नागरिक उन्मुक्ति पार्टीले जेलमा रहेका रेशम चौधरी रिहाई नभए माघी पर्वपछि प्रदेशसभा अवरुद्ध गर्ने चेतावनी दिएको छ । साेमबार शुरू भएकाे सुदूरपश्चिम प्रदेशसभा बैठकमा सम्बाेधन गर्दै सांसद लक्ष्मणा चाैधरीले यस्ताे चेतावनी दिएका हुन् ।

टिकापुर घटनालाइ राजनीतिक रूपमा हेरिनु पर्ने भन्दै  घटनामा संलग्नताको आरोप अदालतबाट दोषी ठहर भई कैद भुक्तानका लागि जेल चलान भएका नागरिक उन्मुक्ति पार्टीका संरक्षक रेशम चौधरी लगायत धनगढी जेलमा रहेका राजबन्दी सबैलाइ माङी पर्वपहिल्यै  रिहाई नभए ‘माघी’ पछि प्रदेशसभा बैठक अवरुद्ध गर्ने नागरिक उन्मुक्ति पार्टीका प्रदेशसभा सदस्य लक्ष्मणकिशोर चौधरीले बताए ।

प्रदेश सभाको पहिलो बैठकमा शुभकामना दिन विशेष समयमा बोलेका चौधरीले भने, ‘माघी अगाडि टिकापुर घटनालाई सुल्झाएर जेलमा रहेका नेता कार्यकर्ताको रिहाई हुनु पर्दछ, त्यसो नभए माघि पछि प्रदेश सभा चल्न दिने छैनौं ।’

उनले थारु आन्दोलन पहिचानका लागि गरिएको र सो आन्दोलन व्यक्तिगत नभई राजनीतिक आन्दोलन भएको बताए । त्यसैले टिकापुर घटनालाई अपराधिक तरिकाबाट नभइ राजनीतिक रुपमै समाधान गरिनुपर्दछ,’ उनले भने, ‘अधिकार माग्नेलाई दण्ड सजायको व्यवस्था लोकतन्त्रमा हुन सक्दैन, थारु समुदायले त्यसलाई मान्नेवाला पनि छैन ।’

देशमा व्यवस्था परिवर्तनका लागि भएका अन्य राजनीतिक आन्दोलन जस्तै थारुको आन्दोलन पनि आफ्नो पहिचानका लागि गरिएको राजनीतिक आन्दोन भएको उनले बताए ।