संघीय सांसदद्वय माया र प्रेमले लिए शपथ

१९ पुष, काठमाडौं । प्रतिनिधिसभा सदस्यद्वय माया राई र प्रेम आलले मंगलबार पद तथा गोपनीयताको शपथ लिएका छन् ।

मंगलबार संघीय संसद् सचिवालय सिंहदरबारमा प्रतिनिधिसभाका ज्येष्ठ सदस्य पशुपतिशमशेर जबराले दुवैलाई शपथ गराएका हुन् । यही पुषकाे पहिलाे हप्ता भएको शपथ कार्यक्रममा राई र आले उपस्थित भएका थिएनन् ।

राई सुत्केरी भएर अस्पतालमा थिइन् । आले भने आमाको निधन भएकाले किरियाका बेला शपथ समारोहमा उपस्थित हुन सकेका थिएनन् । राईलाई नेपाली कांग्रेसले समानुपातिकबाट र आले डोटीबाट प्रत्यक्षतर्फ निर्वाचित एकीकृत समाजवादीका सांसद हुन् ।