एकीकृत समाजवादीको पोलिटब्यूरो बैठकः सरकारबारे निर्णय गर्ने जिम्मा सचिवालयलाई

१९ पुष, काठमाडौं । नेकपा (एकीकृत समाजवादी) प्रचण्ड नेतृत्वको सरकारमा सहभागी हुने वा नहुनेबारे निष्कर्ष पुग्न सकेको छैन । दुई दिनसम्म काठमाडौंमा चलेको पार्टीको पोलिटब्यूरो बैठक बैठक बिना निष्कर्ष सकिएको छ ।

बैठकले सरकारमा जाने कि नजानेबारे निर्णय लिन केन्द्रीय सचिवालयलाई दिएको प्रचार विभाग प्रमुख जगन्नाथ खतिवडाले बताए ।

यसअघि पार्टीको स्थानीय समितिको बैठकले सरकारबारे टुंगो लगाउन पोलिटब्यूरोलाई जिम्मा लगाएको थियो । तर ब्यूरो बैठक पनि अनिर्णयको बन्दी बन्न पुगेको छ । बैठकमा अध्यक्ष माधवकुमार नेपालले राजनीतिक छलफलमा नेतृत्वको बद्ख्वाइँ नगर्न निर्देशन दिएका थिए ।

साथै नेता झलनात खनालले धारणाको रुपमा छुट्टै राजनीतिक प्तिवेदन प्रस्तुत गरेका थिए । नेपाल र खनाल सरकारमा पार्टीको सम्मान हुने अवस्थामा मात्र जानुपर्ने पक्षमा उभिएका छन् ।