एनआरएनए नन रेसिडेण्ट नेपाली एसोसिएशनको संस्थागत गान ‘भूगोल अनि भावनालाई’ तयार

२० पुष, क्यालिर्फोनिया । परदेशमा बस्ने नेपालीहरुको साझा संस्था एनआरएनए नन रेसिडेण्ट नेपाली एसोसिएशनले आफ्नै संस्थागत गान ‘भूगोल अनि भावनालाई’ तयार गरेको छ ।

गीतकार प्रकाश अर्यालले रचना गरेको “भूगोल अनि भावनालाई” बोलको गानमा एनआरएनए नन रेसिडेण्ट नेपाली एसोसिएशको महिमा, भिजन र मिसनलाई कलात्मक ढंगले प्रस्तुत गरिएको छ ।

अब केही दिनमै संगीत भरेर रेकर्डिङ्ग हुने र उक्त गान सार्वजनिक भएपछि संस्थाको हरेक कार्यक्रमको सुरुवात सोही गीतबाट गरिने अध्यक्ष माधव मरासिनीले बताए । एनआरएनए नन रेसिडेन्ट नेपाली एशोसिएसनले शिक्षासहित सामाजिक क्षेत्रका विभिन्न कार्यक्रममा सहयोग गर्दै आइरहेको छ।

शिक्षा, स्वास्थ्य, सञ्चार, खेल लगायतका क्षेत्रमा योगदान गरेकाहरुलाई पनि सम्मान गर्दै आइरहेको संस्थाले नेपालमा हुने विभिन्न सामाजिक कार्यका क्षेत्रमा आफ्नो सक्रिय सहयोग गर्दै आइरहेको छ।