ज्येष्ठ सदस्य राणाको नेतृत्वमा आज सर्वदलीय बैठक, पहिलो अधिवेशनबारे छलफल हुने

२२ पुष, काठमाडौं । प्रतिनिधिसभामा प्रतिनिधित्व गर्ने १२ दलका प्रतिनिधि सम्मिलित सर्वदलीय बैठक शुत्रबार (आज) बस्दैछ । बैठकले संसद अधिवेशनको पहिलो बैठकका एजेण्डाबारे छलफल गर्ने बताइएको छ । बैठक ज्येष्ठ सदस्य पशुपतिशमशेर राणाले बताएका हुन् ।

आजको छलफलमा अघिल्लो संसद्को कार्यकाल सकिँदा पारित हुन बाँकी रहेका विधेयक नागरिकता, निजामती कर्मचारी, सत्य निरुपण तथा मेलमिलापसँग सम्बन्धित लगायत महत्वपूर्ण विधेयकहरु सरकारले तत्काल अघि बढाउनुपर्ने लगायतका विषय रहेका छन् । निर्वाचित संघीय संसद्को पहिलो अधिवेशन सोमबार बस्दै छ । सभामुख र उपसभामुखबिनाको संसद्को पहिलो अधिवेशन ज्येष्ठ सदस्य राणाको नेतृत्वमा बस्नेछ ।

बैठकको कार्यप्रक्रिया र एजेन्डा तय गर्न संसद् सचिवालयले ज्येष्ठ सदस्य राणाकै नेतृत्वमा शुक्रबार सर्वदलीय बैठक आह्वान गरेको हो । बैठकमा संविधान कार्यान्वयन र शान्ति प्रक्रियालाई टुंगोमा पुर्याउने कामसँग सम्बन्धित नयाँ संसद्को जिम्मेवारीकाबारे छलफल हुनेछ । प्रधानमन्त्रीको विस्वासको मत लिने प्रक्रिया राष्ट्रपति, उपराष्ट्रपति र सभामुखको निर्वाचन लगायतका विषयमाथि सर्वदलीय बैठकमा छलफल हुनेछ ।