अहिलेजसरी पहिले नयाँ पार्टीमा जनलहर थिएन : केपी ओली

२५ पुष, काठमाडौं । नेकपा (एमाले)का अध्यक्ष केपी शर्मा ओलीले अहिलेजसरी नयाँ पार्टीमा जनताको भरोसा र उत्साह पहिले नभएको बताएका छन् ।

सोमबार दिउँसो १ बजे शुरु भएको प्रतिनिधिसभाको पहिलो बैठकमा दलको नेताका रुपमा बैठकलाई सम्बोधन गर्दै अध्यक्ष ओलीले जनताले परिवर्तन र विकासको उत्कट चाहना व्यक्त नयाँ दलहरुमार्फत गरेर पुराना दलहरुलाई गम्भीर शिक्षा दिएको बताएका छन् ।

उनले राष्ट्रियताको पक्ष र जनताका समस्या समाधान गर्न अहिलेका सरकारले गम्भीर भएर लाग्नुपर्ने बताए । नले सरकार बनाउन र भत्काउन गोटी चाल्ने र गोटी चाल खेलमा लाग्नु जनताको चाहनाविरुद्ध हुने बताए ।

अध्यक्ष ओलीले उनीभन्दा अघि सम्बोधन गरेका नेपाली कांग्रेसभा सभापति शेरबहादुर देउवाप्रति लक्षित गर्दै प्रतिपक्षी दल कांग्रेसले यो सरकारलाई काम दिनु नै सबैका लागि हितमा हुने बताए ।

उनले सरकारसामू थुप्रै चुनौती रहेको बताउँदै अर्थतन्त्रमा गम्भीर संकट परेको बताए ।