वारदातस्थलमै नभएका रेशम चौधरीलाई झुठा मुद्दामा फसाइयो :  रञ्जिता श्रेष्ठ

२५ पुष, काठमाडौं । नागरिक उन्मुक्ति पार्टी अध्यक्ष रञ्जिता श्रेष्ठले रेशम चौधरीलाई टिकापुर घटनाका बेला घटनास्थलमै नरहेका रेशम चाैधरीलाइ राज्यले जेलमा थुनेर राखेकाे बताएकी छन् । उनले चाैधरी  कांग्रेस, एमाले र माओवादीजस्ता ठूला पार्टीका कार्यकर्ता नभएकै कारण झुठा मुद्दा लगाएको बताइन् ।

साेमबार सुरू भएकाे प्रतिनिधिसभाको जारी बैठकलाई सम्बोधन उनले आफ्नो अधिकार मागेर हिँडका चौधरीसहित राजबन्दीलाई थारूको छोरा भएकै कारण जेलमा हालेको बताएकी छन् ।

घटनाका बेला रेशम ३५ किलाेमिटर टाढा रहेकाे लम्की टावरकाे सम्पर्कमा रहेकाे लाल आयाेगले देखाएकाे दाबी गर्दै रेशमलगायत टिकापुर घटनामा जाेडेर थुनामा राखिएका सबैलाई तत्काल रिहाइ गर्न माग गरिन् ।

चौधरीकी पत्नीसमेत रहेकी उनले चौधरीलाई राज्यले विभिन्न चरणमा सम्मान गरेको स्मरण गराइन् । टीकापुरमात्र होइन अन्य स्थानमा भएका हत्याहिंसाको पक्षमा आफूहरू पनि नरहेको भन्दै उनले न्यायका नाम ज्यादती गर्न नपाइने बताए ।

लाल आयोगको प्रतिवेदन सार्वजनिक नगरेर सरकारले अदालतको आदेश नमानेको पनि उनले आरोप लगाइन् ।

शेरबहादुर देउवा, केपी शर्मा ओली, पुष्पकमल दाहाल प्रचण्ड, गगन थापा, रवि लामिछानेले समेत रेशम चौधरी निर्दोष रहेको बताएको स्मरण गराउँदै उनले उनको न्यायका लागि सहयोग गर्न आग्रह गरिन् ।

टिकापुर घटना कुनै बन्द कोठामा नघटाइएको बताउँदै उनले घटनामा दोषी बनाइएकाहरुको न्यायका लागि निरन्तर लड्ने प्रतिवद्धता व्यक्त गरिन् ।

टिकापुर घटनामा शाहदत प्राप्त गरेका सुरक्षाकर्मी लगायत सबैप्रति श्रद्धाञ्जली प्रकट गर्दै टिकापुर घटनाका बेला सहभागी रहेका दुई जना इन्पेक्टर नागरिक उन्मुक्ति पार्टीबाट चुनाव लड्न खोजेको खुलासा गरिन् । ‘केही प्राविधिक कुराले उहाँहरुलाई चुनावमा उठ्न मिलेन’ बैठकलाई सम्बोधन गर्दै उनले भनिन् ।

२०७२ साउन ७ मा नेपाल प्रहरीको एसएसपी लक्ष्मण न्यौपानेसहित ७ सुरक्षाकर्मी एक बालकको ज्यान गएको कैलालीको टिकापुर घटनामा रेशमलाई जिल्ला अदालतले कैलालीले सर्वस्वसहित जन्मकैदको फैसला गरेयता जेलमा छन् । सांसद श्रेष्ठ रेमश पत्नी हुन् । उनी गएको मंसिर ४ मा सम्पन्न प्रतिनिधिसभा सदस्य निर्वाचित भएकी हुन् ।