स्ववियु निर्वाचनको तयारीमा लाग्यो नेविसंघ

२८ पुष, काठमाडौं । नेपाली कांग्रेस निकट विद्यार्थी संगठन नेपाल विद्यार्थी संघले स्वतन्त्र विद्यार्थी युनियनको निर्वाचनको तयारी सुरु गरेको छ । ५ चैतमा हुने स्ववियु निर्वाचनका लागि संघले दुई वटा समिति समेत बनाएको छ ।

संघका अध्यक्ष दुजाङ शेर्पाले घोषणापत्र तयारी समिति संयोजकमा पुजन गन्धर्व र प्रचार प्रसार समितिको संयोजकमा डा. सन्तोष उपाध्यायलाई मनोनित गरेका छन् ।

स्ववियु निर्वाचनमा नेविसंघले सशक्त ढंगले सहभागी जनाउने अध्यक्ष शेर्पाले बिहीबार विज्ञप्तिमार्फत जानकारी गराएका छन् । शैक्षिक क्षेत्रमा देखिएका ढिलासुस्ती र नीतिगत कठिनाईलाई चिर्न स्ववियु निर्वाचन समयमै सम्पन्न गर्नुपर्ने संघले उल्लेख गरेको छ ।

विद्यार्थीकाे हक र अधिकार रक्षाका लागि स्ववियु निर्वाचन महत्वपूर्ण रहेकाे उनले जनाएका छन् ।