त्रिलोकपुरकाे गोली काण्डमा एक भारतीयसहित ३ जना पक्राउ

२९ पुस, बुटवल । रुपन्देहीको कोटहीमाई गाउँपालिका-३ त्रिलोकपुरमा बिहीबार साँझ गोली चलेको घटनामाथि अनुसन्धानका लागि प्रहरीले एक जना भारतका नागरिकसहित ३ जनालाई पक्राउ गरेको छ ।

पक्राउ पर्नेमा स्थानीय १८ वर्षीय दिलिप यादव, २१ वर्षीय विजय भर र भारत महाराजगञ्जका २५ वर्षीय श्रीप्रसाद यादवलाई पक्राउ गरिएको प्रहरीले जनाएको छ ।

बिहीबार बेलुका ७ बजेतिर गोली चलेको सुनिएको खबरपछि प्रहरी त्रिलोकपुरमा पुगेर अनुसन्धान सुरू गरेको थियो । अनुसन्धानका क्रममा थप सोधपुछका लागि भन्दै प्रहरीले उनीहरूलाइ पक्राउन गरेको हो ।

सो स्थानबाट कटुवा पेस्तोलमा लाग्ने जस्तो देखिने एक राउण्ड गोली, पड्केको गोलीको खोका, दुई थान मोटरसाइकल र एउटा भारतीय नम्बर प्लेटको गाडी पनि बरामद गरेको प्रहरीको दाबी छ ।