गण्डकीमा मुख्यमन्त्री अधिकारीलाई दीपक मनाङेले विश्वासकाे मत नदिने

२९ पुष, पोखरा । गण्डकीका मुख्यमन्त्री खगराज अधिकारीले आज विश्वासको मत लिँदैछन् । २५ गते मुख्यमन्त्री नियुक्त भएका अधिकारीले दिउँसो १ बजे विश्वासको मत लिन कार्यसूची छ ।

एमालेका २२, माओवादीका ८, राप्रपाका २ र स्वतन्त्र सांसद दीपक मनाङेसहित ३३ जनाको समर्थनमा अधिकारी मुख्यमन्त्री नियुक्त भएका थिए । तर, मनाङेले विश्वासको मत भने अधिकारीलाई नदिने र प्रतिपक्षमा बस्ने बताएका छन् ।

६० सदस्यीय प्रदेश सभामा कांग्रेसका २७ सांसद छन् । उनकाे मुख्यमन्त्री पद सुरक्षित हुन ३१ मत आवश्यक पर्छ ।

यता नेपाली कांग्रेसले भने विश्वासकाे मत दिने वा नदिने बारे निर्णय गर्न संसदीय दलको बैठक बसिरहेको छ । अधिकारीलाई विश्वासको मत नदिएर प्रतिपक्षीमा बस्ने कांग्रेसकाे संकेत छ ।