सरकारमा लोसपामा पनि सहभागी हुने

२९ पुष, काठमाडौं । नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ नेतृत्वको सरकारमा महन्थ ठाकुर नेतृत्वको लोकतान्त्रिक समाजवादी पार्टी (लोसपा) सहभागी हुने भएको छ ।

यस विषयमा प्रधामन्त्री प्रचण्ड र नेकपा (एमाले)का अध्यक्ष केपी शर्मा ओलीले लोसपाका अध्यक्ष ठाकुरसँग फोनमा कुराकानी गरेका छन् ।

लोसपाले प्रचण्डलाई प्रधानमन्त्रीमा विश्वासको दिइसकेको छ । सरकारमा सहभागी हुन लोसपाले दुई वटा मन्त्रालय माग गरेको छ । तर मन्त्रालय भागबण्ड विषयमा सत्तारुढ दलहरुबीच कुरा मिलेको छैन ।

सरकारमा जानुअघि लोसपाले सरकारसँग तराईका नागरिकता समस्या र तराई आन्दोलनका क्रममा लगाइएको मुद्दा खारेजीलगायत सर्त राख्ने तयारी गरेको छ ।

सरकारलाई समर्थन गरेपनि लोसपा, राप्रपा, नागरिक उन्मुक्ति पार्टी सरकारमा सहभागी भइसकेका छैनन् । माओवादी केन्द्र नेतृत्वको सरकारमा एमाले, रास्वपा, जनमत पार्टी सहभागी छन् ।