घनश्याम भूसाल नेकपा एसको सचिवालय सदस्यमा मनोनित

३० पुस, काठमाडौं । नेकपा एकीकृत समाजवादीले नेता घनश्याम भूसाललाई केन्द्रीय सचिवालय सदस्य मनोनित गरेको छ । उनी शुक्रबार मात्रै नेकपा एकीकृत समाजवादी पार्टीमा प्रवेश गरेका थिए । शनिबार विहान बसेको एकीकृत समाजवादीको बैठकले नेता भूसाललाई केन्द्रीय सचिवालय सदस्यमा मनोनित गरेको हो ।

४ मंसिरको चुनावअघि नेकपा एमाले छाडेका भूसाल शुक्रबार नेकपा एकीकृत समाजवादीमा प्रवेश गरेका थिए । एमालेमा रहँदा उपमहासचिव रहेका भुसार अध्यक्ष केपी शर्मा ओलीका कट्टर अलोचक थिए । नेकपा एसमा प्रवेश गरेपछि उनले बाम एकतामा पहल गर्ने बताएका छन् ।