मन्त्रिपरिषदको आकस्मिक बैठक बालुवाटारमा जारी

१ माघ, काठमाडौं । मन्त्रिपरिषदको आकस्मिक बैठक प्रधानमन्त्री निवास बालुवाटारमा सुरु भएको छ । प्रधानमन्त्री पुष्पकमल दाहाल …प्रचण्ड’ले बैठक बाेलाएका हुन् ।

पोखरामा आइतबार यती एयरलाइन्सको विमान दुर्घटना भएपछि सो विषयमा छलफल गर्न र आवश्यक उद्धार तथा राहतको विषयमा निर्णय गर्न मन्त्रिपरिषदको आकस्मिक बैठक बसिरहेकाे हाे ।

मन्त्रिपरिषदको बैठकअघि प्रधानमन्त्री प्रचण्ड र उपप्रधानमन्त्री तथा गृहमन्त्री रवि लामिछानेले त्रिभुवन विमानस्थलस्थित कन्ट्रोल रुममा पुगेर विमान दुर्घटनापछिको उद्धारको अवस्थाबारे जानकारी लिएका थिए । जानकारीपछि उनीहरूले उद्धारमा कुनै कमी आउन नदिन निर्देशन दिएका थिए ।