विमान दुर्घटनापछि पोखराका सम्पूर्ण मेला-महोत्सव स्थगित

१ माघ, पोखरा । आइतबार बिहान पोखरामा भएको विमान दुर्घटनाको शोकमा पोखरामा मेला, महोत्सव स्थगित गरिएको छ ।

दुर्घटनास्थलको निरीक्षणमा पुगेका पोखरा महानगरका मेयर धनराज गुरुङले दुर्घटनास्थलको निरीक्षण तथा उद्धार कार्यको अवलोकन गर्दै यात्रुहरुको निधनमा पोखरामा आइतबार हुने सम्पूर्ण मेला तथा महोत्सव स्थगित गरिएको जानकारी दिए ।

‘दुःखको घडीमा पोखरामा कुनै किसिमका मेला, महोत्सव चलाउँदैनौं’ मेयर आचार्यले भने, ‘अमरसिंह चोकमा चलिरहेको इनलाइटेड महोत्सव स्थगित गर्न अनुरोध गर्छु ।’

उनले दुर्घटनामा परेका ७२ जना कसैलाई पनि जीवितै फेला पार्न सकिने अवस्था नरहेको बताए । धेरै शव भित्तामा अडकिएकाे अवस्थामा रहेकाे र डाेरीकाे सहायताले सेना र प्रहरीले शव निकाल्ने अवस्थामा रहेकाे उनले बताए ।