विमान दुर्घटनाप्रति अमेरिका र चीनद्वारा दुःख व्यक्त

१ माघ, काठमाडौं । आइतबार बिहान पोखरामा भएको जहाज दुर्घटनाप्रति अमेरिका तथा चीनले सामाजिक सञ्जालमार्फत् दुस्ख व्यक्त गरेका छन् ।

काठमाडौंस्थित अमेरिका र चीनका राजदूतावासले दुर्घटनाप्रति दु दुःख व्यक्त गर्दै ज्यान गुमाएकाहरूप्रति समवेदना व्यक्त गरेको छ ।

नेपालका लागि चिनियाँ राजदूत छन सोङले दुर्घटनाको खबरले स्तब्ध भएको उल्लेख गरेका छन् । ‘यस दुस्खद घडीमा हाम्रो विचार नेपाली जनताको साथमा छ। मृतकहरूप्रति गहिरो समवेदना,’ उनले ट्विट गरेका छन् ।

यति एयरलाइन्सको ९एन-एएनसी कलसाइनको जहाज पोखरास्थित सेती खोंचमा दुर्घटना भएको थियो । जहाजमा चालक दलका चार र ६८ यात्रु सवार थिए । सवार कसैलाई पनि जीवितै भेटिने अवस्था नरहेको उद्धारमा संलग्नहरुको भनाइ छ । विमान सेती नदीको खोंचमा खसेका कारण उद्धारमा कठिनाइ भएको र डोरी, क्रेनको प्रयोगबाट शव निकाल्ने प्रयास जारी रहेको पोखरा महागनरका मेयर धनराज आचार्यले बताए ।