बाग्मती प्रदेशका उपसभामुखमा ३ जनाको उम्मेदवारी

२ माघ, हेटौडा । बाग्मती प्रदेशको उपसभामुखका लागि ३ जनाको उम्मेदवारी परेको छ । आज ३ बजे हुन गइरहेको उपसभामुख निर्वाचनका लागि नेकपा (एमाले), नेपाली कांग्रेस र नेमकिपाका गरी ३ उम्मेदवारले उम्मेदवारी दर्ता गराएका छन् ।

जस अनुसार एमालेबाट अप्सरा चापागाँई, कांग्रेसबाट सुना परियार तथा नेमकिपावाट गीता काफ्लेको उम्मेदवारी परेको छ । तीनै जनाको उम्मेदवारका मत चयन प्रक्रिया आज अपरान्ह ३ बजेवाट सुरु हुने प्रदेश संसद सचिवालयले जनाएको छ ।

बागमती प्रदेश सभाका कुल ११० सदस्यमध्ये एमाले २७, कांग्रेस ३७, माओवादी केन्द्र २१, राप्रपा १३, नेमकिपा ३, एकीकृत समाजवादीको ७ र हाम्रो नेपाली पार्टीको २ सिट छ।