जसपा र एकीकृत समाजवादीबीच पार्टी एकताबारे औपचारिक छलफल

२ माघ, काठमाडौं । उपेन्द्र यादव नेतृत्वके जनता समाजवादी पार्टी र माधवकुमार नेपाल नेतृत्वको नेकपा (एकीकृत समाजवादी)बीच एएकताका लागि औपचारिक छलफल सुरु भएको छ । मंसिर ४ को निर्वाचनपछि नै दुई पार्टीका नेताहरुबीच दल एकता गर्न अनौपचारिक छलफल चलिरहेको भएपनि पछिल्लो समय औपचारिक छलफल भएकाे हो ।

दुवै पार्टीले एकीकरणको संवाद अघि बढाउन वार्ता समितिहरु गठन गरिसकेका छन् । पार्टी एकताबारे दुवै वार्ता समितिबीच पहिलोपटक गत शुक्रबार सिंहदरबारमा चार घण्टा लामो समय वैचारिक, सैद्धान्तिक र सांगठनिक विषयमा छलफल भएको एकीकृत समाजवादीले महासचिव बेदुराम भुसालले बताए ।

प्रतिनिधिसभामा जसपा १२ र एकीकृत समाजवादीसँग १० सांसद छन् । दुवै पार्टी प्रचण्ड नेतृत्वको सरकारलाई समर्थन गरेपनि सहभागी भने भइसकेको छैन । जसपाले मधेश प्रदेशमा सरकार गठन गरिसकेको छ । जसपाका सरोजकुमार यादव मुख्यमन्त्री बनेका छन् ।