ओलीले बोलाए उच्चस्तरीय राजनीतिक संयन्त्रको बैठक

२ माघ, काठमाडौं । नेकपा (एमाले) का अध्यक्ष केपी शर्मा ओलीले आज साँझ ५ बजे उच्चस्तरीय राजनीतिक संयन्त्रको बैठक बोलाएका छन् । सोमबार दिउँसो करिब ५ घण्टा लामो समय दुई जनाबीच छलफल भएको थियो ।

छलफलमा सरकार समर्थित दलहरुलाई मन्त्रालय बाँडफाँटबारे सहमति कायम गरिएको बताएका छन् । छलफलपछि ओलीले संयन्त्रको बैठक बोलाएका हुन् । संयन्त्रका संयोजक ओली हुन् ।

सरकार समर्थित दलहरुमा एमाले, माओवादी केन्द्र, रास्वपा, राप्रपा, जसपा, जनमत लगायत छन् । अहिले बस्ने संयन्त्रको बैठकमा दलहरुले लिने मन्त्रालयको टुंगो लगाउन छालफल हुने बताइएको छ ।

यस्तै, बैठकमा दलहरूबाट थप हुने मन्त्रीकाे नाम टुंग्याउने भएकाे छ ।