विमान दुर्घटनामा ज्यान गुमाएका आमा-छोराको शव महेन्द्रनगर लगिँदै

२ माघ, पोखरा । पोखरामा आइतबार भएको यती एयरलाइन्सको जहाज दुर्घटनामा परेका कञ्चनपुरको भीमदत्त नगरपालिका–४ का आमा छोराको शव जिल्ला पठाइने भएको छ ।

दुर्घटनामा भीमदत्त नगरपालिका–४ की ५० वर्षीया सुष्मा भट्ट र उनका छोरा १४ वर्षीय स्लोकको निधन भएको थियो । दुवै जनाको सनखत आज मात्र भएको हो ।

दुर्घटनामा चालक दलका ४ सहित ७२ जनाकै निधन भएको छ । विमान सेती नदीको खोंचमा खसेका कारण शव निकाल्न समय लागेको छ । निधन भएकामध्ये ६९ जनाको शव निकालिएको छ । उनीहरुको शव अहिले गण्डकी स्वास्थ्य विज्ञान प्रतिष्ठानमा राखिएको छ ।

महेन्द्रनगरका व्यवसायी संजिवचन्द्र भट्टका श्रीमती र कान्छा छोरा केही दिन अघि मात्रै पोखरा गएका थिए । स्लक कक्षा ११ मा काठमाडौंको सेन्ट जेभियर्समा अध्ययनरत थिए ।

जेठी छोरी निधि डाक्टर र कान्छी छोरी युक्त इन्जिनियर छिन्