श्रद्धाञ्जलीबाट फर्किएका ३ जना विमान दुर्घटनामा परे

२ माघ, पोखरा । आइतबार पोखरामा भएको यति एयरलाइन्सको विमान दुरघटनामा आफन्तको मृत्युमा श्रद्धाञ्जली दिएर फर्किएका ३ जनाको पनि ज्यान गएको छ ।

भारतको केरलामा मृत्यु भएका पास्चरलाई श्रद्धाञ्जली दिएर पोखरा फर्किँदै गरेका पोखरा नदीपुर चर्चका अनिल शाही, राजुसिंह ठकुरी र रवीन हमालको आइतबार भएको यति एयरलाइन्सको दुर्घटनामा ज्यान गुमाएका हुन् ।

पोखरामा एपोस्टल एफएम चलाइरहेका शाही नदीपुरका हुन् भने राजुसिंह चर्चमै बस्थे र हमाल पोखरा पामेका बासिन्दा हुन् । भारत केरलमा पास्चर मेचयु फिलिपको मृत्यु भएपछि श्रद्धाञ्जली बिहीबार अर्पण गरेर पोखरा फर्किँदै थिए ।

काठमाडौंबाट पोखरा आउँदै गरेको यति एयरलाइन्सको जहाज दुर्घटना हुँदा हालसम्म ६९ जनाको मृत्यु भएको पुष्टि भएको छ । ३ जना अझै हराइरहेका छन् ।

अधिकांशको शव जलेर नचिनिने भएका कारण काठमाडौंबाट फोरेन्सिक विज्ञ टोली झिकाइएको छ । टाेलीले काम सुरू गरेकाे छ ।