शपथ ग्रहणपछि राप्रपाका मन्त्रीहरू पशुपतिनाथ मन्दिरमा

३ माघ, काठमाडौं । राप्रपाका नवनियुक्त मन्त्रीहरू शितलनिवासमा राष्ट्रपतिबाट शपथ लिएपछि सिधै पशुपतिनाथ मन्दिर पुगेका छन् । उनीहरु पदभार ग्रहणपहिले दर्शनका लागि मन्दिर पुगेका हुन् ।

राप्रपाका नवनियुक्त उपप्रधानमन्त्री राजेन्द्र लिङ्देनसहित मन्त्रीहरू दर्शनका लागि पशुपतिनाथको मन्दिर पुगेका छन् । मन्दिर दर्शनपछि पदबहालीका लागि सिंहदरबार जाने कार्यक्रम छ ।

राप्रपाले चुनाव र चुनाव पहिलेदेखि नै भ्रष्टाचार नगर्ने र भ्रष्टाचार गरेमा ‘आमाको रगत खाएसरह’ हुने बताउँदै आइरहेको छ ।