स्वास्थ्यमन्त्री तोसिमा कार्कीको पहिलो निर्णयः आँखाकाे उपचारलाई आधारभूत तहसम्म पुर्याउने

३ माघ, काठमाडौं । नवनियुक्त स्वास्थ्य तथा जनसंख्या राज्यमन्त्री डा. तोसिमा कार्कीले पदभार ग्रहण गरेकीक् छन् ।

मन्त्रीमा नियुक्त भएकै शपथ लिएपछि उनले राज्यमन्त्रीको कुर्सीबाट संचारकर्मीसँगको कुराकानी नागरिकलाई पैसा नभएकै कारण उपचार नपाएर ज्यान गुमाउनुपर्ने अवस्थालाई निवारण गर्ने र आँखाको उपचार सेवालाई विकेन्द्रिकरण गरेर आधारभूत स्वास्थ्य सेवा केन्द्र, स्वास्थ्य चौकी, नगर स्वास्थ्य केन्द्रसम्म पुर्याउने बताइन् । यसनिम्ति उनले जस्तोसुकै परिस्थितिको सामना गर्न आफू तयार भएर आएको बताइन् ।

जनस्वास्थ्यसम्बन्धी सरकारले लिएका निर्णय, निर्देशन कार्यान्वयन गराउन र त्यसका पालना भएनभएको नियमन गर्नेबारे आजै निर्णय लिएको उनले जानकारी दिइन् । जनताको स्वास्थ्य सेवाका लागि निरन्तर काम गर्ने र समस्या समाधान लागि जनताकै सल्लाह लिएर अगाडि बढ्ने उनको भनाइ छ । उनी रास्वपाबाट राज्यमन्त्री बनेकी हुन् । स्वास्थ्य मन्त्री एमालेबाट पदम गिरि बनेका छन् ।