सभामुखमा घिमिरेलाई मत दिन माओवादी केन्द्रका सांसदहरूलाई प्रधानमन्त्रीकाे ह्वीप

५ माघ, काठमाडौं । नेकपा (माओवादी केन्द्र)ले प्रतिनिधि सभाको सभामुखमा नेकपा (एमाले)का उम्मेदवार देवराज घिमिरेलाई मतदान गर्न ह्वीप जारी गरेको छ।

बिहीबार हुने निर्वाचनमा सत्ता गठबन्धनका उम्मेदवार घिमिरेलाई मतदानका लागि ह्वीप जारी गरिएको प्रमुख सचेतक हितराज पाण्डेले बताए । पार्टी अध्यक्ष तथता संसदीय दलका नेता समेत रहेका प्रधानमन्त्रीले गठबन्धनका उम्मेदवार घिमिरेलाई मतदानका लागि ह्वीप जारी गरेको जानकारी दिए ।

प्रतिनिधि सभामा माओवादी केन्द्रका ३२ सांसद छन् । तीमध्ये वर्षमान पुन ‘अनन्त’ ललितपुरस्थित अस्पतालमा उपचाररत छन् । उनी कलेजो प्रत्यारोपणका क्रममा छन् ।

यस्तै, नागरिक उन्मुक्ति पार्टीले पनि सभामुखमा घिमिरेलाईनै मत दिने भएको छ । नागरिक उन्मुक्ति पार्टीका चार सांसद छन् ।