सभामुख चयनका लागि विभाजन घण्टी बजाइयो

५ माघ, काठमाडौं । प्रतिनिधिसभाको सभामुख चयनका लागि मत विभाजन प्रक्रिया सुरु भएको छ । संसद भवनमा जारी प्रतिनिधिसभा बैठकमा सभाध्यक्ष पशुपति शमसेर जबराले मत विभाजनबाट सभामुख निर्वाचित गरिने जानकारी दिएका छन् ।

अहिले मत विभाजनपहिले अपनाइने संसद नियमावलीअनुसार ५ मिनेटसम्म घण्टी बजाउने काम भइरहेको छ । मत विभाजनमा सहभागी हुने सांसदहरुले दस्तखतसहित मतदान गर्नेछन् ।

सभामुखका लागि नेपाली कांग्रेसकी ईश्वरी न्यौपाने र एमालेका देवराज घिमिरे उम्मेदवार छन् । संसदमा २७५ मत संख्या रहेको छ ।