काठमाडौंमा नसकेपछि श्री एयर झापा र नेपाल एयरलाइन्स कोलकातामा अवतरण

६ माघ, काठमाडौं । बाहिरबाट काठमाडौंका लागि उडेका जहाज त्रिभुवन अतर्राष्ट्रिय विमान स्थलमा अवतरण हुन नसकेपछि बाहिर लगेर अवतरण गरिएको छ । नेपाल नागरिक उड्डयन प्राधिकारणका अनुसार आज बिहानैदेखि काठमाडौंमा भिजिबिलिटी कम भएकाले विमान अवतरण गर्न नसकिएको हो ।

काठमाडौंमा अवतरण गर्न नसकेपछि बाँकेको नेपालगन्जबाट काठमाडौँका लागि उडेको श्री एयरको विमान झापामा अवतरण भएको छ भने मलेसियाको क्वालालाम्पुरबाट नेपाल आउँदै गरेको विमान काठमाडौंमा अवतरण गर्न नसकेपछि कोलकता लगेर अवतरण गरिएको छ । त्रिभुवन अन्तर्राष्ट्रिय विमानस्थलमा अवतरण हुन नसकेपछि विमान भारतको कोलकाता पुगेको हो ।

नेपाल एयरलाइन्सको आरए–४१६ विमान काठमाडौंको आकाशमा फन्को मारेर अहिले कोलकातामा अवतरण गरेको छ । खराब मौसमका कारण त्रिभुवन अन्तर्राष्ट्रिय विमानस्थलमा अवतरण हुन नसकेपछि विमान कोलकाता पुगेर अवतरण गरेको विमान स्थल कर्मचारीले बताएका छन् ।

यस्तै बाँकेको नेपालगन्जबाट काठमाडौँका लागि उडेको श्री एयरको विमान झापामा अवतरण भएको छ । काठमाडौँ विमानस्थलमा भिजिबिलिटी कम भएका कारण श्री एयरको ४४० विमानलाई झापा डाइभर्ट गरिएको त्रिभुवन विमानस्थलका प्रवक्ता टेकनाथ सिटौलाले नेपालबहसलाई जानकारी दिए ।

भिजिबिलिटी क्लियर भएपछि ९ बजेर ४५ मिनेटमा सो विमान झापाबाट काठमाडौँका लागी उडेको प्रवक्ता सिटौलाले जानकारी दिए । ७ बजे नेपालगन्जबाट उडेको श्री एयरको सो विमान ९ बजेर ६ मिनेटमा चन्द्रगढी विमानस्थलमा अवतरण गरिएको थियो । खराव मौसममा सुधार आएपछि ति विमान काठमाडौं आउने बताइएको छ ।