सभामुख घिमिरेद्वारा पदभार ग्रहण

६ माघ, काठमाडौं । राष्ट्रपति विद्यादेवी भण्डारीबाट शपथ लिएलगत्तै सभामुख देवराज घिमिरेले पदभार ग्रहण गरेका छन् ।

सभामुख घिमिरेले शुक्रबार बिहान राष्ट्रपति भावन शितल निवासमा पद तथा गोपनियताको शपथ लिएर सिंहदरबारस्थित कार्यालय पुगेर पदभार ग्रहण गरेका हुन् ।

उनी बिहीबार प्रतिनिधिसभाबाट सभामुखमा निर्वाचित भएका थिए । उनले नेपाली कांग्रेसकी ईश्वरीदेवी न्यौपानेलाई पराजित गरेका थिए ।