मलाई कालो हातले छुने कोशिस नगर्नुहोला : मन्त्री किराती

९ माघ, काठमाडौं । संस्कृति, पर्यटन तथा नागरिक उड्ययनमन्त्री सुदन किराँतीले सरकारको पूर्ण स्वामित्वको एयरलाइन्स नेपाल वायु सेवा निगमका कर्मचारीहरुको बैठकमा आफूलाई कालो हातले छुने कोशिस नगर्न निर्देशन दिएका छन् । उनले राज्यको गौरवपूर्ण न संस्था डुबेको टुलुटुलु हेरेर नबस्ने बताए ।

निगमलाई पारदर्शी र बलियो बनाएर नागरिकको विश्वास जित्ने तहमा पुर्याउर्ने दायित्व रहेको बताए । बैठकमा कर्मचारीसँगको अन्तरसंवादमा उनले भने, ‘म सेतो लुगा लगाएको मान्छे हुँ, मलाई कालो हातले छुने प्रयास नगर्नुहोला । म सेतै बनेर फर्किने हो ।’

किराती माओवादी केन्द्रबाट मन्त्री बनेका हुन् । उनी तत्कालीन सशस्त्र द्वन्द्वका कमाण्डर समेत हुन् ।