क्रिकेटर मेहबुब आलम र मोहम्मद अन्सारी पक्राउ

९ माघ, काठमाडौं । प्रहरीको केन्द्रीय अनुसन्धान ब्युरो (सीअइबी)ले क्रिकेटर महबुब आलम र मोहम्मद आदिल अन्सारीलाई पक्राउ गरेको छ ।

सीआईबीले सोमबार बिहान उनीहरूलाई पक्राउ घरमैबाट गरेको जनाएको छ । पुषको अन्तिम हप्ता त्रिविको क्रिकेट मैदानमा सम्पन्न नेपाल टी–२० लिगका खेलमा ‘स्पट फिक्सिङ’ जस्तो गम्भीर अपराध गरेको निष्कर्षसहित पक्राउ गरेको हो ।

सुरूदेखि नै विवादमा परेको लिगमा स्पट फिक्सिङ भएको भन्ने उजुरीपछि सिआइबीले अनुसन्धान गरिरहेको थियो । अनुसन्धानका क्रममा ‘स्पट फिक्सिङ’मा संलग्नता पाइएपछि थप अनुसन्धानका लागि पक्राउ गरिएको जनाइएको छ ।

सिआइबीले लिगमा स्पट फिक्सिङ भएको र भारतीय कम्पनी सेभेन थ्रीको संलग्नता रहेको निश्कर्ष निकालेको थियो ।
आदिलले टी २० लिगमा जनकपुर रोयल्सबाट खेलेका थिए । मेहबुब भने लिगमा कुनैपनि टिममा आवद्ध थिएनन् । मेहबुब भने नेपालका चर्चित अलराउन्डर हुन् ।

उनलाई विराटनगरबाट पक्राउ गरिएकाे हाे ।