भ्रष्टाचार आरोपमा अन्तर्राष्ट्रिय विमानस्थल टर्मिनल शाखा प्रमुख चुडाल पक्राउ

९ माघ, काठमाडौं । त्रिभुवन अन्तर्राष्ट्रिय विमानस्थलको आन्तरिक टर्मिनल व्यवस्थापन शाखा प्रमुख पूर्णप्रसाद चुडाल पक्राउ परेका छन् । चुडाललाई अख्तियार दुरुपयोग अनुसन्धान आयोगले सोमबार नियन्त्रणमा लिएको हो ।

उनलाई उजूरीका आधारमा पक्राउ गरिएको अख्तियार बताएको छ । नियन्त्रणमा लिइएका चुडालबारे अख्तियारले विवरण तयारी गरिरहेको जनाएको छ । केहीबेरमा विज्ञप्ति जारी गरी विस्तृत जानकारी दिने आयोगको भनाइ छ ।

त्रिभुवन अन्तर्राष्ट्रिय विमानस्थल आन्तरिक टर्मिनल व्यवस्थापन शाखाका प्रमुख चुडाल नवौँ तहको कर्मचारी हुन् । केहीबेरमा प्रेस विज्ञप्ति जारी गरी घटनाका बारेमा विस्तृत जानकारी आयोगको तयारी छ ।