माओवादी केन्द्र स्थायी कमिटीकाे दाेस्राे दिनकाे बैठक सुरु

१३ माघ, काठमाडौं । सरकारको नेतृत्व गरिरहेको नेकपा (माओवादी केन्द्र)को दोस्रो दिनको स्थायी कमिटी बैठक पार्टीको मुख्यायालय पेरिसडाँडामा सुरु भएको छ ।

आजको बैठकमा पछिल्लो राजनीतिक अवस्था, विभिन्न पार्टीहरुसँग भएको एकता प्रक्रिया, राष्ट्रपति उपराष्ट्रपतिको निर्वाचन लगायतमा छलफल हुने बताइएको छ । बैठक बिहीबार सुरु भएको थियो ।

बिहीबार अध्यक्ष पुष्पकमल दाहाल ‘प्रचण्ड’ले पछिल्लो राजनीतिक अवस्थाको जानकारी गराएका थिए । बैठकमा उनले फेरिएको राजनीतिक समीकरण र राष्ट्रपति निर्वाचनबारे सुझाव दिन स्थायी कमिटी सदस्यहरुलाई आग्रह गरेका थिए ।

बिहीबार उनले राष्ट्रपतिमा राष्ट्रिय सहमति खोज्नुपर्नेमा जोड दिएका थिए । यसबाट उसको सरकारका मुख्य सारथि एमाले नराम्ररी झस्किएको छ ।