सभापति देउवा र अमेरिकी उपविदेश मन्त्री न्युल्याण्डबीच भेटवार्ता

१६ माघ, काठमाडौं । दुई दिने नेपाल भ्रमणमा रहेकी अमेरिकी उपविदेश मन्त्री भिक्टोरिया न्युल्यान्डले सोमबार नेपाली कांग्रेसका सभापति शेरबहादुर देउवासँग भेटवार्ता गरेकी छन् । न्यूल्याण्डले धुम्बाराहीस्थित देउवा निवास पुगेर भेटवार्ता गरेकी हुन् ।

भेटवार्तामा द्विपक्षीय सम्बन्ध र लोकतन्त्र, विकास तथा सुशासनमा सहयोग अझ सुदृढ बनाउने उपायबारे छलफल भएको देउवाको प्रमुख स्वकीय सचिव भानु देउवाले बताए । भेटमा सभापति देउवाले अमेरिकाले जारी राखेकाे नेपाललाई निरन्तर सहयोगका लागि धन्यवाद दिएका थिए ।