बाग्मतीमा ‘एक विद्यालय एक नर्स’ कार्यक्रम लागू गर्ने मन्त्री दुलालको आश्वसन

१६ माघ, काठमाडौं । बागमती प्रदेशका भौतिक पूर्वाधार विकासमन्त्री युवराज दुलालले प्रदेशका सबै माध्यमिक विद्यालयमा ‘एक विद्यालय एक नर्स’ कार्यक्रम लागू गर्ने आश्वसन दिएका छन् ।

गृह जिल्ला सिन्धुपाल्चोक पुगेका मन्त्री दुलालले उक्त कार्यक्रम माध्यामिक विद्यालयमा लागू गर्ने बताए । उनले चौतारा साँगाचोकगढी नगरपालिका १४ स्थित डडुवाको श्री डडुवा भवानी शंकर माध्यामिक विद्यालयको ६२औं वार्षिकोत्सवको उद्घाटन गरेका थिए ।

प्रदेशमा माओवादी केन्द्रबाट उनी हालै मात्र मन्त्री बनेका हुन् । उनी सशस्त्र द्वन्द्वमा कमाण्डर थिए । केही समय पहिलेसम्म पार्टी अध्यक्ष प्रचण्डकाा कटु आलोचक रहेका उनीहरु पछिल्लो समयमा नरम बन्न थालेपछि उनलाई मन्त्री पद प्राप्त भएको हो ।