तनहुँमा स्कूटर चोरीका अभियुक्त सार्वजनिक

१६ माघ, तनहुँ । स्कुटर चोरीको अभियोगमा पक्राउ परेका लमजुङ्गको बेंसीशहर नगरपालिका–५ निवासी १८ वर्षीय प्रकाश विकलाई प्रहरीले सोमबार सार्वजनिक गरेको छ । स्कुटर चोरी गरेको आरोपमा पक्राउ परेका विकलाई इलाका प्रहरी कार्यालय आँबुखैरेनीले सार्वजनिक गरेको हो ।

विकलाई पोखरा महानगरपालिका– १८ खहरे निवासी कृष्णकुमारी गुरुङको नाममा रहेको लु २७ प ५२२७ नम्बरको स्कुटर चोरी गरी तनहुँको आँबुखैरेनी गाउँपालिका–३,चिसापानीस्थित बिश्वकर्मा मोटरसाइकल वर्कशपमा बिक्री गर्न लागेको अवस्थामा प्रहरीले पक्राउ गरेको प्रहरीले जनाएको छ ।