हिरासत फोडेर फरार भएका ६ थुनुवामध्ये थप २ जना पक्राउ

१८ माघ, काठमाडौं । धनुषाको इलाका प्रहरी कार्यालय महेन्द्रनगरको हिरासतको पर्खाल प्वाल पारेर सोमबार बिहान फरार भएका थुनुवामध्ये थप दुई जनालाई प्रहरीले पक्राउ गरेको छ ।

मिथिला नगरपालिका–२ का २५ वर्षीय हरदीप सिंहलाई आज बिहान पक्राउ गरिएको हो । २५ वर्षीय अमित मण्डललाई सोमबार नै प्रहरीले पक्राउ गरेको थियो ।

हातहतियार र डकैती कसुरमा अनुसन्धानका क्रममा हिरासतमा राखिएका उनीहरु पर्खाल प्वाल पारेर भागेका थिए । सो घटनामा ३ जना प्रहरी निलम्बनमा परेका छन् भने कार्यालय प्रमुख प्रहरी निरीक्षक जिल्लामा तानिएका थिए ।

अझै फरार रहेका ३ जनाको तीव्र रुपमा खोजतलास भइरहेको प्रहरीले जनाएको छ।