रकम फिर्ता नपाएपछि बचतकर्ताहरूले घेरे देउराली सहकारीका अध्यक्ष चौलागाईंको घर

१८ माघ, काठमाडौं । आफ्नो बचत रकम पाउन नसकेपछि बचतकर्ताहरुले ललितपुरको देउराली बहुउद्देश्यीय सहकारी संस्थाका सञ्चालक रविन्द्र चौलागाईंको घर घेरेका छन् ।

पटक पटकको प्रतिवद्धता अनुसार बचत रकम फिर्ता नगरेको भन्दै उनीहरु चौलागाईंको घर घेराउ गर्न पुगेका हुन् । सञ्चालक चौलागाईंले बचत रकम फिर्ता गर्ने समय पटकपटक टार्ने र ढाँटने गर्न थालेपछि आफूहरु बाध्य भएर उनको घर घेर्न जानुपरेको सहकारीका बचतकर्ताहरुले बताएका छन् ।

तलब नपाएको भन्दै सहकारीका कर्मचारी चौलागाईंको घर घेर्न पुगेका छन् । ‘पछिल्लो पटक पुस मसान्तभित्र रकम फिर्ता गर्ने प्रतिवद्धता चौलागाईंले गरेको तर उनी सम्पर्कविहीन भएको आरोप धर्नाकारीहरुको भनाइ छ ।

घर घेराउ गर्न सयौं संख्यामा बचतकर्ताहरु पुगेका छन् । बचत रकम फिर्ता नपाएसम्म घर घेराउ कार्यक्रम नरोकिने उनीहरुको भनाइ छ ।