क्रिकेट खेलाडीको वर्गीकरणमा सन्दीप लामिछाने परेनन्

१८ माघ, काठमाडौं । नेपाल नेपाल क्रिकेट संघ (क्यान)ले सेन्ट्रल कन्ट्र्याक्टका लागि मंगलबार गरेको खेलाडीको वर्गीकरण पूर्व कप्तान सन्दीप लामिछानेलाई समेटेको छैन ।

पुरुष र महिला खेलाडीको वर्गीकरण गरेको क्यानले बलात्कार आरोपमा मुद्दा खेपिरहेका राष्ट्रिय टिमको पूर्व कप्तान सन्दीप लामिछानेलाई बाहिरै राखेको हो ।

क्यानले गरेको पुरुष वर्गीकरणको ग्रेड ‘ए’मा रोहित पौडेल, सोमपाल कामी, करन केसी, दीपेन्द्रसिंह ऐरी र आशिफ शेख परेका छन् ।

साथै ग्रेड ‘बी’मा आरिफ शेख, कुशल भुर्तेल र ज्ञानेन्द्र मल्ल पर्दा ग्रेड ‘सी’मा कमलसिंह ऐरी, विनोद भण्डारी, गुल्शन झा, अर्जुन साउँद, अविनाश बोहरा, ललितनारायण राजवंशी, कुशल मल्ल, देव खनाल, सागर ढकाल र विवेक यादव परेका छन् ।

बलात्कारको आरोपछि गएको भदौमै क्यानले निलम्बन गरेका लामिछानेलाई क्यानले नै मंगलबार मात्र फुकुवा गरेको थियो ।