लाल आयोगको प्रतिवेदन सार्वजनिक गर्न रञ्जिता चौधरीको माग

१८ माघ, काठमाडौं । प्रतिनिधिसभा सांसद रञ्जिता श्रेष्ठ चौधरीले थारु राजबन्दीको बारेमा छानबिन गरिएको लाल आयोगको प्रतिवेदन सार्वजनिक गर्न माग गरेकी छिन् ।

प्रतिनिधि सभाको बैठकमा विशेष समयमा बोल्दै निर्दोष थारुहरूलाई राज्यले अनाहकमा थुनेको आरोप लगाउँदै पुर्व सांसद रेशम चौधरीलाई रिहा गर्न माग गर्नसमेत माग गरेकी छिन् ।

‘धेरै निर्दोष थारुहरुलाई फसाइएको छ, निर्दोष थारुहरूले न्याय पाउँछौ भनेर मेरो मन खुसी भएको थियो तर न लाल आयोगको प्रतिवेदन सार्वजनिक भयो, न त अहिलेसम्म रेशम चौधरीलाई छुटाउन सरकार गम्भीर बन्यो ?’

उनले लाल आयोगको प्रतिवेदन सार्वजनिक गरेर वा अध्यादेशमार्फत भए पनि पुर्व सांसद चौधरीको रिहाईको माग गरेकी छिन् । टिकापुर घटनामा राज्यले थारुहरुलाई मात्र दोषी देख्नुले हाम्रो चित्त दुखेको छ’ उनले भनिन् ।

झुठा मुद्दा बन्दी बनाइएका रेशम चौधरीलगायत थारुहरुको रिहाई नभएसम्म निरन्तर रुपमा संदनमा आवाज उठाउने अडान उनले दोहोर्याइन् ।