मुख्यमन्त्री ताकेका शर्माले देखाए राष्ट्रपतिमा चाहना

२० माघ, काठमाडौं । नेपाली कांग्रेस गण्डकी प्रदेश सभापति शुक्रराज शर्माले आगामी फागुन २५ मा हुन गइरहेको राष्ट्रपति निर्वाचनमा उम्मेदवार बन्ने चाहना राखेका छन् । गण्डकी प्रदेशको मुख्यमन्त्री बन्नका लागि खसआर्यबाट समानुपातिकको एक नम्बरमा बसेका शर्माले महिला उम्मेदवार कम भएका कारण सांसद बन्ने अवसरसमेत पाएका थिएन् ।

शुक्रबार बिहान सोल्टीमोड स्थित आफ्नै निवासमा कांग्रेस नेताहरुसँगको छलफलमा पार्टी नेतृतवले अवसर दिएको खण्डमा आफु राष्ट्रपतिको उम्मेदवारको रुपमा अघि बढ्न तयार रहेको शर्माले बताएका हुन् । उनले छलफलमा सहभागी नेताहरुलाई राष्ट्रपतिमा जाने इच्छा देखाएका थिए । उनलाई स्वच्छ छवि भएको नेतृत्व अपरिहार्य भएकोले अघि बढ्ने कि भन्ने प्रश्न गर्दा शर्माले त्यस कुरालाई आफूले गम्भिरता साथ लिएको बताएका थिए ।

छलफलमा सहभागी एक नेता भने, ‘साथीहरुले आग्रह गरिरहनु भएको छ । म सत्तामा कहिल्यै नभए पनि आम कार्यकर्ताको विश्वास म मा अझैँ छ । पार्टी पंतिले पनि शुक्रराज दाइ अघि बढ्नुस् भने नाइ भन्ने कुरा हुँदैन । ५४ वर्षको राजनितिक इतिहासको सुखद अन्त्य हुन्छ । सबैको सहयोग भए म उभिन्छु । काँग्रेसलाई जिताउन हिड्छु ।’