प्रचण्डका दूत बनेर नारायणकाजी श्रेष्ठले भेटे माधव नेपाललाई

२० माघ, काठमाडौं । नेकपा (माओवादी केन्द्र)का वरिष्ठ उपाध्यक्षसमेत रहेका उपप्रधान तथा भौतिक पूर्वाधार तथा यातायात मन्त्री नारायणकाजी श्रेष्ठ एकीकृत समाजवादीको कार्यालयमा पुगेका छन् ।

उनी प्रधानमन्त्रीकाे दूतकाे रूपमा आलोकनगरमा रहेको एकीकृत समाजवादीको कार्यालयमा अध्यक्ष नेपाललाई शुक्रबार भेट गरेका हुन् । सत्तारुढ गठबन्धनमा दरार बढिरहेका बेला मन्त्री श्रेष्ठ माधव नेपाललाई भेट्न जानुलाई अर्थपूर्ण रुपमा हेरिएको छ ।

यसअघि बिहीबार माओवादीको बैठक चलिरहँदा एकीकृत समाजवादीका उपमहासचिव डा. विजय पौडेल पेरिसडाँडा पुगेका थिए । सरकारमा रहेकाे रास्वपाले सरकार छाड्ने बताइरहेका बेला २ दलबीच भेटघाट बाक्लाे बनाएकाे छ ।